काठमाडौं १७ भदौ । पाँच पाँच पटक सम्म पनि प्रधानमन्त्रीको चयन गर्न नसक्ने व्यवस्थापिका ससदको कुनै औचित्य नभएको भन्दै राष्ट्रिय प्रजातन्त्र पार्टी नेपालका अध्यक्ष कमल थापाले त्यसलाई विघटन गर्नुपर्ने माग गर्नुभएको छ । राष्ट्रिय प्रजातन्त्र पार्टी नेपालको पार्टी कार्यालय भवनको धोबीधारमा आज उद्घाटन गर्दे अध्यक्ष थापाले संसदको औचित्य समाप्त भएको र संसद नै विघटन गर्नुपर्ने माग गर्नुभएको हो । अहिलेको संसदबाट कुनै पनि समस्याको समाधान नहुने र संविधान निर्माण पनि नहुने भएकोले संसदको कुनै औचित्य नभएको उहाँले बताउनुभयो । मुलुकलाइ सहि निकास दिनका लागि संसदलाई विघटन गरि ताजा जनादेशमा जानुको अरु कुनै विकल्प नभएको अध्यक्ष थापाको भनाई थियो । उहाँले विगतमा भएको शान्ति सम्झौता र संसदवादीदलहरुले लिएको मार्ग चित्र र बाटो नै गलत भएकोले ताजा जनादेशलागि जनमत संग्रहमा जानुको अरु विकल्प नभएको भनाई छ ।

राजा सहितको प्रजातन्त्र नै मुलुककालागि अपरिहार्य भएको भन्दै त्यसको अन्तिम फैसला जनमत स्रग्रहबाट हुनु पर्ने अध्यक्ष थापाको भनाई छ ।