काठमाडौं १७ भदौ । प्राकृतिक प्रकोपबाट यस बर्ष २ सय ५८ जनाको मृत्यु भएको गृह मन्त्रालयले तथ्याङक सार्वजनिक गरेको छ ।  संसद्को अन्र्तगतको प्राकृतिक श्रोत तथा साधन समितिको आज िसंहदरबारमा बसेको बैठकमा गृहमन्त्रालयका सचिव गोविन्द कुसुमले प्राकृतिक प्रकोपबाट तीन करोड बढीको क्षेति भएको जानकारी दिनुभयो । मन्त्रालयको तथ्याङकअनुसार आगलगीबाट १४ चट्याङबाट ३६ महामारीबाट २८ हावाहुरीबाट २ हवाई जहाज दुर्घटनाबाट १४ पहिरोबाट ८० बाढी तथा ढुंगा दुर्घटनाबाट ८३ र तातो हावाबाट एक जनाको मृत्यु गएको छ ।

समितिको बैठकमा गृह सचिव कुसुमले प्राकृतिक प्रकोपबाट यस वर्ष ३ करोड २० हजार रुपैयाँ बराबरको क्षति भएको जानकारी दिनुभयो । उहाँले विपत्तिमा परेकाहरुको राहतका लागि प्रधानमन्त्री राहत कोषबाट ३२ जिल्लामा ३ करोड विनियोजन भएको जानकारी दिनुभयो । बैठकमा प्राकृतिक विपत्तिबाट उद्धार गर्नकालागि प्रहरीलाई सकि्रय बनाएको जानकारी समेत दिईएको थियो ।