काठमाडौ २३ भदौ । राष्ट्रसङ्घीय महासचिव वान की मुनले नेपाली सेना र माओवादी जनसेना दुवैको भविष्यको बारेमा तत्काल सम्बोधन नगरिए त्यसले गम्भीर परिणाम ल्याउने चेतावनी दिनुभएको छ । उहाँले वार्ता र सहमतिबाट शान्ति प्रकृयासँग जोडिएका सबै चुनौती समाधान गर्न पनि नेपालका सबै पक्षसँग अपील गर्नुभएको छ । राष्ट्रसङ्घीय सुरक्षा परिषद्मा गएराति नेपालसम्बन्धी प्रतिवेदन पेश गर्दै मुनले संविधानसभाको म्याद थपेपछि संवैधानिक संकट टरेपनि दलहरुको आन्तरिक मतभेद तथा सत्ता बाँडफाँडका कारण नेपालको शान्ति प्रकृयामा प्रगति हुन नसकेको बताउनुभयो ।