काठमाडौ २३ भदौ । राष्ट्रपति डा रामबरण यादवले देश विकासका लागी कुशल शैक्षिक प्रतिभा पलायन रोक्नुपर्ने बताउनु भएको छ । उहाँले राष्ट्रले लगाएको गुण नबिस्रन र राष्ट्रहितको काममा समर्पित हुन युवा पुस्तासँग आग्रह गर्नुभयो ।
शिक्षा दिवसको अबसरमा विभिन्न विधामा सर्वोत्कृष्ट हुने विद्यार्थीलाई पदक वितरण कार्यक्रममा राष्ट्रपति यादवले उच्च शिक्षा हासिल गरेका योग्य व्यक्तिलाई स्वदेशमै योगदान पुर् याउन आग्रह गर्नुभएको हो । उहाँले साक्षरता कार्यक्रमलाई प्रभावकारी ढंगले अगाडि बढाउन विद्यालयको सुधार तथा व्यवसायिक शिक्षाको विस्तार गर्नुपर्ने बताउनुभयो ।
कार्यक्रममा शिक्षामन्त्री शर्वेन्द्रनाथ शुक्लले सरकारले शिक्षा क्षेत्रको विकासका लागी सरकार प्रतिबद्ध रहेको बताउनुभयो । समारोहमा राष्ट्रपति यादवले स्वदेश र विदेशका विश्वबिद्यालयबाट विद्यावारिधी गर्ने एकसय ५२ जनालाई नेपाल विद्या भुषण पदक क बाट विभुषित गर्नुभयो । यसैगरी त्रिभुवन विश्वबिद्यालयवाट स्नाकोत्तरमा सर्वोत्कृष्ट अंक हासिल गर्ने ५९ नेपाल विद्या भुषण पदक ख तथा स्नातक तहमा उत्कृष्ट अंक हासिल गर्ने १७ जनालाइ नेपाल विद्या भुषण पदक ग बाट विभुषित गरिएको थियो ।