अर्थवार्ता

- टेलिकमले मोबाइल किन नबाँडेको ?

बाँडिरहेका छौं । एकैचोटि ठूलो माग आएको छ । तर, त्यो माग पूरा गर्ने क्षमता हामीसँग कम छ । क्षमता कम भएकाले यस्तो भएको हो । अहिले हामी प्रविधि विस्तारमा सक्रिय छौं ।

- कहिलेसम्म सकिन्छ त प्राविधिक काम ?

काम त भई नै रहन्छ । पि्रपेड र सिडिएमएको माग उपत्यकामा भन्दा बाहिर बढी छ । १० वर्षभित्र सिडिएमए प्रविधिलाई हरेक गाविसमा पुर्‍याउने हाम्रो लक्ष्य छ । यद्यपि अबको ३ वर्षभित्र ३५ लाख फोन बाँड्ने लक्ष्यसहित टेलिकमले काम गरिरहेको छ ।

- तर, सिडिएमए मोविलिटी र तवीकरणको विबाद बढ्दै छ नि ?

हो, यो विवादलाई केही सञ्चारमाध्यमले उठाइरहेका छन् । वास्तविकता अलि फरक छ । रोयल्टीको कुरा निजी क्षेत्रका सस्थ्ाासँग्ा दाँजेर सरकारी स्व्ाामित्वको संस्थासँग लिनु सान्दर्भिक हुँदैन । टेलिकमले आम उपभोक्ताको मागलाई ध्यानमा राखेर चाँडोभन्दा चाँडो अधिकतम प्रविधिको निर्माणमा लाग्न आवश्यक छ । यसकारण आर्थिक व्ययभार व्यवहारिक कारणले पनि टेलिकम त्यो रोयल्टी तिर्न सक्दैन र यसमा प्राधिकरणले विचार गर्नेछ भन्ने मलाइ लाग्छ । अर्को सिडिएमए मोविलिटीको जुन कुरा छ, त्यो चाँडै हुन्छ ।

- यसको निजीकरण प्रक्रिया किन रोकियो ?

यो सरकारी स्वामित्वका कम्पनीमध्येको नाफामुलक र सेवामुखी संस्था हो । यसको निजीकरणको प्रक्रिया टेलिकम बोर्डबाट नभई मन्त्रिपरिषद्को निर्णयबाट हुने कुरा हो । यसको निजीकरण प्रक्रिया पूरा गर्न धेरै विषयमा सोच्नु आवश्यक छ । त्यसकारण यो हामीभन्दा सरकारमा निर्भर छ ।

- युद्धमा ध्वस्त भएका क्षेत्रमा कहिलेसम्म सेवा पुर्‍याउनुहुन्छ ?

ती क्ष्ेात्रमा यस आर्थिक वर्षभित्र पुर्‍याउने लक्ष्य लिएका छौं । अधिराज्यभर पुनर्निमार्णका लागि ७० करोडभन्दा बढी रकम लाग्ने अनुमान छ ।

- अहिलेसम्म सेयर बाँडिएको छैन नि ?

यसका लागि अर्थ मन्त्रालयको निजीकरण इकाइले काम गर्दैछ । सरकारले १५ प्रतिशत सेयर निष्कासन गर्न गरेको निर्णयअनुसार केही समयपछि ५ प्रतिशत कर्मचारीलाई र १० प्रतिशत सर्वसाधारणलाई वितरण हुन्छ ।

-नयाँ प्रविधि पनि ल्याउनुहुन्छ कि ?

पक्कै पनि यो सोच हामीसँग छ । नयाँ प्रविधि भित्र्याउने तयारीमा छौं । जसअनुसार साधारण फोनमा पनि टिभी च्यानल, इन्टरनेट तथा भ्वाइस च्यानल रहने छन् । जसलाई टि्रपल सिस्टम भन्ने गरिन्छ । नेपालका मध्यमवर्गीय उपभोक्तालाई ध्यानमा राखी यो प्रविधि भित्र्याउन प्रयासरत छौं ।

प्रस्तुतिः केदार भट्टराई