बलिउडकी चर्चित नायिका सिल्पा सेट्टीलाई र्सार्वजनिक समारोहमा चुम्बन गरेपछि विवादमा परेका हलिउड नायक रिचार्ड गेरी नेपालमा छन् । ३ वैशाखमा जेट एयरवेजबाट नेपाल आएका उनी होटल द्वारिकामा बसिरहेका छन् ।

५ वैशाखसम्म नेपाल बस्ने योजनासाथ उनी पर्यटक भीसामा आएका हुन् । उनको तस्बीर खिच्न फोटोग्राफरहरुले प्रयास गरिरहेका छन् । गोप्य रुपमा बसिरहेका उनका बारेमा केही बताइएको छैन ।

ट्रक चालकलाई लक्षित गरी एड्ससम्बन्धी सचेतना रयालीमा सहभागी हुने क्रममा उनले सिल्पालाई पटक पटक चुम्बन गरेको दृश्य चर्चामा छ । त्यसको विरोधमा भारतका विभिन्न शहरमा प्रदर्शन भएका छन् । विरोध बढेपछि उनी नेपाल पसेका हुन् । पिपुल्स म्यागाजिनले सन् १९९० मा संसारकै सबैभन्दा 'जिवित कामुक पुरुष' को रुपमा छानेको उनी तिब्बती धार्मिक नेता दलाइ लामाका र्समर्थक हुन् ।