Logo

मायामी ओपन टेनिसको उपाधिको लागि फेडेरर र नाडाल भिड्दै



काठमाडौं, १९ चैत । मायामी ओपन टेनिसको उपाधिका लागि विश्व नम्बर ६ रोजर फेडेररले सातौं बरियताका राफेल नाडालसँग प्रतिस्पर्धा गर्ने भएका छन् ।

शनिबार बिहान भएको सेमिफाइनलमा स्वीस फेडेररले निक किरिओसलाई ७–६, ६–७ र ७–६ को सेटमा हराएर फाइनलमा स्थान बनाएका हुन् । फाइनल खेल आइतबार बिहान हुनेछ ।

मायामी ओपनको फाइनल भेट फेडेरर र नाडालबिचको ३७ औं भेट हुनेछ । सातौं बरियताका नाडालले सेमिफाइनलमा ४० औं बरियताका फाबियो फोग्निनीलाई ६–१ र ७–५ को सेटमा हराएर फाइनलमा स्थान पक्का गरेका हुन् ।

१४ वटा ग्राण्डसलाम उपाधि जितेका स्पेनिस नाडालले अब उपाधिका लागि फेडेररसँग खेल्ने भएका हुन् । फेडेररले गएको जनवरीमा भएको अस्ट्रेलियन ओपनमा नाडाललाई हराएर उपाधि जितेका थिए । त्यो उनको १८ औं ग्राण्डसलाम उपाधि थियो । एजेन्सीको सहयोगमा



प्रतिक्रिया दिनुहोस्