एशियन स्कुल फुटबल च्याम्पियनसीप

post-advert

काठमाडौँ, २९ भदौ ९रासस०ः भारतको आगरामा हुने ४६औँ एशियन स्कुल फुटबल यु–१८० च्याम्पियनसीपको खेल तालिका आज सार्वजनिक भएको छ ।

आगामी असोज ४ देखि १४ गतेससम्म हुने उक्त प्रतियोगितामा आठ राष्ट्र सहभागी हुने छन् । प्रतियोगितामा नेपाल समूह ‘ए’ मा परेको छ । नेपाल रहेको समूहमा इण्डोनेसिया, चीन र थाइल्याण्ड तथा समूह ‘बी’ मा दक्षिण कोरिया, मलेसिया, श्रीलङ्का र भारत रहेका छन् ।

नेपालले पहिलो खेल थाइल्याण्डसँग असोज ६ गते खेल्नेछ भने दोस्रो खेल असोज ८ गते इण्डोनेसियासँग तथा ९ गते चीनसँग खेल्नेछ । दुवै समूहको शीर्ष दुई टोली सेमिफाइनल पुग्नेछन् । उक्त प्रतियोगिताका लागि यसअघि नै अखिल नेपाल फुटबल सङ्घ ९एन्फा०ले नेपाली टोलीको घोषणा गरिसकेको छ । नेपाली टोलीको प्रशिक्षकमा चेतनारायण श्रेष्ठ र गोलकिपर प्रशिक्षकमा चक्र तामाङ रहेका छन् ।

नेपाली टोलीमा विष्णुकुमार केसी, विशाल सुनार, सूर्य अधिकारी, विकास खवास, नवीन गुरुङ, राजेश गुरुङ, असिम गुरुङ, रणदिप पौड्याल, सञ्चित राई, नितिन थापा, मनिस थापा, जय गुरुङ, सुरज ठकुरी, अनिल महर्जन, दिनेश हेञ्जन ९कप्तान०, बुद्ध बल तामाङ, रितिक खड्का, अनुरु गुरुङ र टीका गुरुङ रहेका छन् । वैकल्पिक खेलाडीमा आकाश रानाभाट, पवन शाही, विवेक राई र दर्शन गुरुङ रहेका छन् ।

Comments

Loading...
Loading...

ताजा खबर

धेरैले पढेको

धेरैले पढेको

Loading...