अमेरिकी भाषा प्रशिक्षकलाई सहज प्रवेशाज्ञा दिन आग्रह

काठमाडौँ, २२ माघ : नेपालका लागि अमेरिकी राजदूत ¥यान्डी बेरीले आज शिक्षा विज्ञान तथा प्रविधिमन्त्री गिरिराजमणि पोखरेललाई भेटी नेपालका विद्यालयमा अङ्ग्रेजी भाषा प्रशिक्षणका लागि खटिएका स्वयम्सेवकलाई प्रवेशाज्ञाको प्रक्रिया सहज बनाई दिन आग्रह गर्नुभएको छ ।

राजदूत बेरीले सन् १९६२ मा स्थापना भएको लिङ्कन स्कूलमा अङ्ग्रेजी भाषा पढ्न चाहने विद्यार्थीलाई सहज वातावरण मिलाई दिन पनि अनुरोध गर्नुभएको छ । सिंहदरबारस्थित मन्त्रालयमा भएको सो भेटमा राजदूत बेरीले नेपालको शिक्षा क्षेत्रको विकासका लागि अमेरिकाले सधैँ सहयोग गर्ने प्रतिबद्धता व्यक्त गर्नुभएको शिक्षामन्त्रीको सचिवालयले जनाएको छ ।

मन्त्री पोखरेलले शिक्षामा प्रत्यक्ष एवं अप्रत्यक्ष रुपमा सहयोग पु¥याउँदै आएकामा अमेरिकी सरकारलाई धन्यवाद दिँदै सहयोगको निरन्तरताको अपेक्षा गरिएको बताउनुभयो ।

नेपालका विद्यार्थीले फुलब्राइट छात्रवृत्तिमार्फत अमेरिकामा उच्च शिक्षाका अवसर, नेपालका विद्यालयमा अङ्गे्रजी भाषाको प्रवद्र्धनका लागि पिसक्रप्स भोलेन्टियर र भूकम्पपछिको विद्यालय पुनःनिर्माणमा प्राप्त अमेरिकी सहयोगको मन्त्री पोखरेलले प्रशंसा गर्नुभएको थियो । (रासस)


ताजा खबर

Loading...
Loading...
Loading...
    यो पनि पढ्नुहोस्