देशमा फेरि द्वन्द्व उद्योग मच्चाउन खोजिएको ओलीको गुनासो

काठमाडौं, २८ माघ । प्रधानमन्त्री एवम् नेकपाका अध्यक्ष केपी शर्मा ओलीले देशमा फेरि द्वन्द्व उद्योग मच्चाउन खोजिएको गुनासो गरेका छन् ।

नेपालमा हुन लागेको लगानी सम्मेलन भाँड्ने नियतका साथ संखुवासभास्थित अरुण तेस्रो जलविद्युत् परियोजनाको कार्यालयमा आक्रमण भएको उनको दाबी छ ।

सोमबार गृहमन्त्रालयमा आयोजित प्रजातन्त्र दिवस मूल समारोह समितिको बैठकलाई सम्बोधन गर्दै प्रधामन्त्री ओलीले यस्तो बताएका हुन् ।

उनले भने,‘केही दिनअघि मात्रै अरुण तेस्रो जलविद्युत् परियोजनाको कार्यालय र निर्माणमा प्रयो गरिएका मेसिनमा आक्रमण भएको छ, त्यहाँ एउटा आयोजनाको मेसिन र कार्यालय तोडफोड गरिएको मात्रै होइन, नेपालको विकासलाई रोक्ने खेल पनि भएको हो ।’


ताजा खबर

Loading...
Loading...
Loading...