सार्क सम्मेलनमा ओछ्याइएको रातो कार्पेटमा पनि भ्रष्टाचार

माघ २९, काठमाण्डौ । १८औँ सार्क सम्मेलनमा आउने भिआइपीहरूका लागि त्रिभुवन अन्तर्रा्ष्ट्रिय विमानस्थलमा रातो कार्पेट ओछ्याउने क्रममा भ्रष्टाचार भएको पाइएको छ । रातो कार्पेट विछ्याउने जिम्मा सरकारले नेपाली सेनालाई दिएको थियो ।

भिइआइपीका लागि पाँच हजार नौ सय ८८ वर्ग्फिट मात्र कार्पेट प्रयोग भएको थियो । तर, सेनाले सात हजार २५ वर्ग्फिट कार्पेट खरिद गरेको विवरण पेस गरेको थियो । यसबाट राज्यलाई ४ लाख व्ययभार परेको थियो । रातो कार्पेटको नाममा अनियमितता भएको विषय महालेखापरीक्षकको प्रतिवेदनमा नै उल्लेख थियो ।

सार्क सम्मेलन तयारी शीर्षकमा सरकारले सेनालाई एकमुष्ट १३ करोड ८६ लाख बजेट दिएको थियो । त्यसक्रममा सेनाको संभाररथी विभागले इचुमति इन्टरनेसनल प्रालिसँग विभिन्न सामान द्रुतमार्गबाट खरिद गर्न सम्झौता गर्‍यो । तर, सप्लायर्स कम्पनीले सार्क सुरक्षाका लागि अनिवार्य भनेकोमध्ये कैयौँ सामान सम्मेलनपछि मात्र उपलब्ध गरायो ।

त्यसमध्ये पनि ५ प्रकारका सामान त्यो वर्ष सेनाले पाउन सकेन । यस्तै निहिल ट्रेडिङ कम्पनीसँग एक करोड ४४ लाखबराबरको उपकरण खरिदको सम्झौता गरेको थियो । तर, ती उपकरण सार्क सम्मेलन सकिएको सात महिनापछि मात्र प्राप्त भएका थिए । यो समाचार नयाँ पत्रिकामा प्रकाशित छ ।


ताजा खबर

Loading...
Loading...
Loading...
    यो पनि पढ्नुहोस्