पौडेल र नेम्वाङलाई दायाँवायाँ राखेर बैद्य र विप्लवलाई प्रचण्डले गरे यस्तो आग्रह

फागुन १, काठमाण्डौ । नेकपाका अध्यक्ष पुष्पकमल दाहालले मदन भण्डारीको स्मृति दिवसमा पार्टी एकता र फागुन एक गते जनयुद्ध दिवस मनाउने विषयमा पार्टीभित्र सर्वसम्मत भएको दावी गरेका छन् ।

जनयुद्ध दिवसलाई आज सम्बोधन गर्दै अध्यक्ष दाहालले सबै कम्युनिष्टहरुलाई एकतावद्ध हुन आग्रह गरेका छन् । समृद्धिको यात्राका लागि सबै कम्युनिष्टहरु एक भएर विश्वलाई नै उदाहरण प्रस्तुत गर्न आग्रह गरे ।

मोहन वैद्य र नेत्रविक्रम चन्दलाई लक्षित गर्दै दाहालले विगतमा जनयुद्धमा संलग्नपक्षलाई पनि एकतामा आउन आउन आग्रह गरे । एक भएर समाजवादको जग बसाल्नुको विकल्प नभएको भन्दै दाहालले पटकपटक एकताका लागि आग्रह गरे ।

देशलाई सफल बनाउनका लागि एक दुई जना नेता वा समुह मात्रै लागेर नहुने भएकाले सबै एकजुट हुनुको विकल्प नभएको दाहालको भनाई छ ।

नेकपाले मनाएको जनयुद्ध दिवसमा अर्का अध्यक्ष तथा प्रधानमन्त्री केपी ओली भने सहभागि थिएनन् । पूर्व एमालेकोतर्फबाट हालको नेकपाका सचिवालयका महासचिव विष्णु पौडेल दाहालको दायाँतर्फ बसेका थिए भने संसदीय दलका उपनेता सुवास नेम्वाङ बायाँतर्फ बसेका थिए ।


ताजा खबर

Loading...
Loading...
Loading...