बेइजिङ, २८ वैशाख । चीनको पश्चिमी क्षेत्रस्थित शिङ्गजियाङ्ग प्रान्तमा बिहीबार शक्तिशाली भूकम्प गएको छ । भूकम्पबाट ८ जनाको मृत्यु भएको प्रारम्भिक विवरण प्रकाशमा आएको छ ।
चिनियाँ समाचार समिति ‘सिन्ह्वा’ का अनुसार भूकम्पमा परी ११ जना घाइते भएका छन् । ५.४ म्याग्निच्यूड मापन गरिएको सो भूकम्प स्थानीय समयअनुसार बिहान ५ः५८ मा गएको हो ।
भूकम्पपछि पराकम्पहरु गइरहेको बताइएको छ । भूकम्प प्रभावित क्षेत्रमा राहत तथा उद्धारका काम सुरु भइसकेको चिनियाँ अधिकारीहरुको भनाइ छ ।
सन् २००३, फेब्रुअरीमा पनि सो क्षेत्रमा भूकम्प गएको थियो । त्यतिबेला ६.८ तीव्रताको भूकम्पबाट २ सय ६८ जनाको मृत्यु भएको थियो । (एजेन्सी)
