काठमाडौं, १८ भदौ । विश्वकप छनौट अन्तर्गत शनिबार राति भएको खेलमा स्पेनले इटालीलाई ३–० गोल अन्तरले हराएको छ । युरोपियन देशहरुको समूह जि मा रहेको स्पेनले इटलीलाई ३–० ले हराउँदा स्पेनका इस्को नायक बने ।
इस्कोले खेलको १३ औं मिनेटमा फ्रि किक मार्फत सुन्दर गोल गर्दै स्पेनलई अग्रता दिलाएका हुन् । रियल मड्रिडका फरवार्ड समेत रहेका इस्कोको यो फ्रिकिकले उनलाई नायक बनाएको भनेर स्पेनका समर्थकले प्रशंसा समेत गरेका छन् ।
इस्कोकै गोलमा स्पनेले पहिलो हाफमा दास्रो गोल गर्दै अग्रता दोब्बर बनाएको थियो । स्पेनको लागि तेस्रो गोल सर्जियो रामोसको पासमा अल्भारो मोराटाले गरे ।
इटालीलाई हराउँदै १९ अंकका साथ स्पेन पाहिलो स्थानमा रहँदैं सन् २०१८ मा हुने विश्वकपमा सहभागी हुन सम्भावना बलियो छ । यसै समूहमा रहेका इटालीको १६ अंक, अल्बानियाको १२ अंक छ ।एजेन्सीको सहयोगमा
