काठमाडौं, कात्तिक १६ । इङ्लिस क्लबहरु म्यान्चेस्टर सिटी र टोटनह्याम हट्सपर युरोपियन च्याम्पियन्स लिग फुटबल प्रतियोगिताको नक आउट चरणमा प्रवेश गरेका छन् ।
समुह चरणको चौथो खेलमा बुधबार राती सहज जित हात पार्दै सिटी र टोटनह्यामले राउण्ड अफ सिक्सटिनमा स्थान बनाएका हुन् ।समुह एच को खेलमा स्पेनिस प्रतिद्वन्द्वी रियाल मड्रिडलाई ३-१ ले हराउँदै टोटनह्याम अर्को चरणमा प्रवेश गर्यो ।
टोटनह्यामसँग पराजित टोली रियाल मड्रिडले भने अर्को चरण पुग्न कम्तिमा अर्को खेलसम्म कुनुपर्ने भएको छ ।यही समूहको अर्को खेलमा जर्मनीको बोरुसीया डर्टमण्ड र साईप्रसको अपोईल निकोसियाले १-१ गोलको बराबरी खेलेका छन् ।
उता समुह ई को खेलमा ईटालीको नापोलीलाई ४-२ ले हराउँदै इङ्ल्यान्डको म्यान्चेस्टर सिटी पनि राउण्ड अफ सिक्सटिनमा पुगको छ ।यही समूहको अर्को खेलमा युक्रेनको शख्तरले नेदरल्याण्ड्सको फेयनुर्डलाई ३-१ ले हरायो ।
युएफा च्याम्पियन्स लिग फुटबलअन्तर्गत गएराति भएका अन्य खेलमा इङ्ल्यान्डको लिभरपुलले स्लोभेनियाको मारिबोरलाई ३-० ले हराउँदा स्पेनको सेभियाले रुसको स्पार्टा मस्कोलाई २-१ ले पराजित गर्यो ।
पोर्चुगलको एफसी पोर्टोले जर्मनीको आर.बी लेप्जीगलाई ३-१ ले हराउँदा टर्कीको बेसिक्तास र फ्रान्सको मोनाकोले १-१ गोलको बराबरी खेलेका छन् ।एजेन्सीको सहयोगमा
