२२ पुस, काठमाण्डौ । नेपाली कांग्रेसका वरिष्ठ नेता रामचन्द्र पौडेलले आयोजना गरेको भेलामा उनै पक्षमा डा.मिनेन्द्र रिजाल, डा.शेखर कोइराला र डा.नारायण खड्काले बहिष्कार गरेका छन् ।
यसअघि पौडेल पक्षधर रहेका तीन नेताहरु यसपटक भने टाडिन खोजेको कतिपयको विश्लेषण छ । तर शेखरले भने यस्ता भेलाहरु गरेर कुनै उपलब्धि नहुने भएकाले आफू सहभागि नभएको बताए । रिजाल र खड्का भने देउवा गुटतिर नजिक हुन चाहेको बताइएको छ ।
देउवाको नेतृत्व असफल भएको भन्दै पौडेलले आफू निकटका नेताहरुसँग छलफल गर्न भेलाको आयोजना गरेका थिए ।
शुक्रबार पौडेलले काठमाण्डौको एक होटलमा भेलाको आयोजना गरेका थिए । देउवा नेतृत्वको कांग्रेस कमजोर बन्दै गएकाले अबका दिनमा कसरी अगाडि बढ्ने भन्ने विषयमा पौडेलले छलफल गरेका थिए ।
पौडेलको भेलामा युवा नेताहरु धनराज गुरुङ, प्रदिप पौडेल, गुरुराज घिमिरे लगायतको पनि उपस्थिती रहेको थियो ।
