वैशाख २५, काठमाण्डौ । राष्ट्रिय प्रजातन्त्र पार्टीका अध्यक्ष कमल थापाले धर्मगुरु श्रीनिवास गोलीकाण्डको स्वतन्त्र छानबिन गर्न माग गरेका छन् ।
थापाले आफैंमाथि आक्रमण गराएको प्रहरी दाबी सत्य भए त्यो निन्दनीय र भत्र्सनायोग्य हुनेसमेत बताएका छन् ।
यसअघि थापाले श्रीनिवासलाई गत चैत २५ गते गोली प्रहार भएसँगै घटनाको निन्दा एवं दोषीमाथि कारबाहीको माग गरेका थिए । तर प्रहरीले सोमबार आफैंले गोली हान्न लगाएको भन्दै श्रीनिवासलाई काठमाडौंबाट पक्रेको थियो ।
प्रहरी अनुसन्धानबाट नयाँ तथ्य खुलेसँगै थापाले यसमाथि स्वतन्त्र छानबिन गर्न सरकारसँग माग गरेका हुन् ।
उनले सामाजिक संजालमार्फत आफ्नो धारणा सार्वजनिक गरेका हुन् ।
धर्मगुरु आचार्य श्रीनिवास स्वयंले आफुमाथि आक्रमण गराएको प्रहरीले जनाएको छ।यदि सत्य हो भने, श्रीनिवासको यो कार्य अत्यन्त निन्दनीय र भत्सर्नायोग्य छ।बिषयको गांभिर्यतालाई दृष्टिगत गर्दै सरकारले स्वतन्त्र छानबिन गरी सत्यतथ्य सार्वजनिक गर्न आग्रह गर्दछु
— Kamal Thapa (@KTnepal) May 8, 2018
प्रतिक्रिया