असार १२, काठमाण्डौ । संस्कृति, पर्यटन तथा नागरिक उडड्यनमन्त्री रवीन्द्र अधिकारीले सम्पदाको संरक्षण गर्न सरकार प्रतिवद्ध रहेको भन्दै सम्पदा मास्नेलाई कुनै प्रकारको छुट नहुने बताएका छन् ।
मन्त्री अधिकारीले सम्पदा अतिक्रमण गर्नेहरुलाई सरकारले कारबाही गर्ने र अतिक्रमण गरिएका जमिन सरकारले फिर्ता ल्याउने समेत स्पष्ट पारे । मंगलबार संसद बैठकमा विनियोजन बजेटको छलफलका क्रममा आफ्नौ मन्त्रालयमाथि उठेका प्रश्नको जवाफ दिदै मन्त्री अधिकारीले सम्पदाहरूको पुनर्निर्माणको कामलाई छिटो सम्पन्न गर्नका लागि सरकारले प्रयाप्त बजेट बिजियोजन गरेको जानकारी दिए ।
सम्बन्धित समाचार :
पोखरा विमानस्थलको निर्माण नरोकिने मन्त्री अधिकारीको भनाइ
कार्यदलको अध्ययनपछि प्रतिष्ठान एकीकृत गर्ने विषयमा निर्णय लिइन्छः मन्त्री अधिकारी
पर्यटनलाई मुलुकको समृद्धिसँग जोड्न जरुरी छः पर्यटनमन्त्री अधिकारी
उनले जापानसँग हवाईसम्झौता गरिएको भन्दै पहिला जहाज गएका स्थान र नया गन्तव्यमा जहाज पुराउनका लागि सरकारले तिव्र रुपमा काम गरिरहेको बताए । त्यस्तै अधिकारीले बायुसेवा निगमलाई नया ढंगले अघि बढाउन साझेदारको खोजी कार्य गरेको जानकारी दिए ।
बैठकमा आफ्नो मन्त्रालयमाथि उठेका प्रश्नको जवाफ दिदै कृषि, भूमि व्यवस्था तथा सहकारी मन्त्री चक्रपाणि खनालले कृषि क्षेत्रमा सुधारका लागि विभिन्न कार्ययोजना ल्याएको जानकारी दिए । मन्त्री खनालले योजना कार्यन्वयनका लागि पूर्ण प्रतिवद्ध रहेको बताए ।
मन्त्रालय अन्तर्गतका सबै क्षेत्रको लक्ष्य उदेश्य अनुरूप विधमान परम्परागत नीति, विधि र प्रकृयाहरूमा आमुल सुधारको खाका कोरिसकेको र त्यही अनुरूप अगाडी बढिरहेको उनले बताए ।
त्यस्तै कानुन न्याय तथा संसदीय मामिला मन्त्रालयको शीर्षकमा विनियोजित बजेटमाथि उठेको प्रश्नको जावफ दिँदै मन्त्री शेरबहादुर तामाङले अब मौलिक हक सम्बन्धी कानुन असार मसान्तभित्र संसदमा पेश गर्ने जानकारी दिए ।
उनले संघीय संसद सुरु भएको दिनदेखि एक वर्षभित्र संविधानसँग बाझिएका कानुहरु संशोधन गरिक्नुपर्ने र त्यसको संशोधनका लागि पनि काम अगाडि बढिरहेको बताए ।
