अस्पतालको शैयामा ओली र नेपालबीच कुराकानी, के भने ओलीले ?

कात्तिक १२, काठमाण्डौ । अस्पातलको शैयामा रहेका प्रधानमन्त्री केपी ओली र नेता माधवकुमार नेपालबीच केहीबेर कुराकानी भएको छ ।

नेता नेपाल प्रधानमन्त्री ओलीको स्वास्थ्य अवस्थाबारे जानकारी लिन विहान अस्पताल पुगेका थिए ।

कुराकानीका क्रममा प्रधानमन्त्री ओलीले नेता नेपाललाई चिकित्सकहरुको सल्लाहका कारण चियापान समारोहमा सहभागी हुन नसकेको बताएका छन् ।

“मैले प्रधानमन्त्री ज्यूलाई स्वास्थ्य अवस्था कस्तो छ भनेर सोधे, उहाँले श्वासप्रस्वासमा समस्या आयो, छातीमा अलि गाह्रो भो, अहिले त्यसैको उपचार भइरहेको छ भन्नुभयो ।” नेपालले भने ।

ओलीले आफू चियापान कार्यक्रममा आउन खोजे पनि चिकित्सकले नजान जिद्दी गरेको बताएको नेपालले बताए ।
“मत चियापानमा आउन सकिन,अब सञ्चो होला भन्नुभो ।” नेपालले भने ।

प्रधानमन्त्री ओलीलाई गए राति महाराजगञ्जस्थित त्रिवि शिक्षण अस्पताल भर्ना गरिएको थियो ।

अस्पतालको मनमोहन कार्डियोथेरासिक भास्कुलर तथा ट्रान्सप्लान्ट सेन्टरले पत्रकार सम्मेलन गर्दै प्रधानमन्त्रीको छातीमा संक्रमण देखिएको र शरीरमा चीनीको मात्रा असन्तुलित देखिएकाले भर्ना गरिएको जानकारी दिएको छ ।