ललितपुर । मोबाइल फोनबाट धम्क्याई ७५ लाख रुपैयाँ माग गर्ने युवा पक्राउ परेका छन् । ललितपुर महानगरपालिका २४ बस्ने ३० वर्षीय उदय गिरीलाई १७ साउनमा प्रहरीले पक्राउ गरेको हो ।
विभिन्न मितिमा नेपाली तथा भारतीय मोबाइल नम्बरहरू प्रयोग गरी भारतबाट समेत फोन गरी बिभिन्न व्यक्तिहरूलाई धम्क्याई रकम माग गर्ने कार्यमा संलग्न गिरीलाई महानगरीय अपराध महाशाखा काठमाडौंबाट खटिएको प्रहरीले अनुसन्धानको क्रममा ललितपुर महानगरपालिका २४ धापाखेलबाट पक्राउ गरेको हो ।
गिरी यसअघि हातहतियार तथा खरखजना मुद्दामा ३ वर्ष जेल भुक्तान गरी छुटेको खुल्न आएको र उनीमाथि उपर थप अनुसन्धान भइरहेको सो महाशाखाले जनाएको छ ।
