Logo

रवि लामिछानेसहित तीनजनालाई हिरासतमा राख्ने म्याद थप



चितवन । सञ्चारकर्मी रवि लामिछानेसहित तीनजनालाई जिल्ला अदालत चितवनले अनुसन्धानका लागि पाँच दिन हिरासतमा राख्ने आदेश दिएको छ । शालिकराम पुडासैनी आत्महत्या प्रकरणमा आत्महत्याको दुरुत्साहन गरेको अभियोगमा पक्राउ परेका लामिछानेसहित अस्मिता कार्की र युवराज कँडेललाई पाँच दिन अनुसन्धानका लागि हिरासतमा राखिएपछि थप अनुसन्धान गर्नुपर्ने भन्दै ३ भदौको म्याद थपको माग भएबमोजिम पाँच दिनको म्याद थप्ने आदेश दिएको हो ।

पाँच दिन अघि काठमाडौंबाट पक्राउ गरी तीनै जनालाई चितवन लगिएको थियो । उनीहरुविरुद्ध पुडासैनी पत्नीले आत्महत्याको दुरुत्साहनमा किटानी जाहेरी दिएकी थिइन् ।

चितवनस्थित होटलमा पुडासैनीको शव भेटिएपछि अनुसन्धानका क्रममा प्रहरीले लामिछानेसहित तीनजनाका कारण आत्महत्या गरेको भन्ने भिडियो फुटेज फेला पारेको थियो । त्यसैका आधारमा लामिछानेमाथि अनुसन्धान गर्न भन्दै प्रहरीले पक्राउ गरेको थियो । लामिछाने पक्राउपछि उनका समर्थकहरुले विरोध प्रदर्शन गर्दै आएका छन् ।



प्रतिक्रिया दिनुहोस्

https://pch.edu.np/

हल बुकिंग फाराम