विश्वकप छनौट : नेपालद्धारा चाइनिज ताईपेई २-० ले पराजित

काठमाडौं, २४ भदौ । नेपालले चाइनिज ताइपेईलाई २-० गोलले हराएको छ। विश्वकप फुटबल २०२२ को एसियाली छनोटअन्तर्गत दोस्रो चरणको आफ्नो दोस्रो खेलमा नेपालले चाइनिज ताइपेईको मैदानमा भएको खेलमा नेपालका अन्जन विष्टले दुई गोल गरेका हुन् ।

नेपालको जीतको लागि खेलको तेस्रो मिनेटमा अन्जनले नेपाललाई अग्रता दिलाएका थिए । त्यस्तै, उनले ६२ औँ मिनेटमा अर्को गोल गरेका थिए । पहिलो खेलमा नपाल कुवेतसँग ७-० गोलले पराजित भएको थियो। पाँच टोली रहेको समूह ‘बी’ मा नेपाल, कुवेत, चाइनिज ताइपेई र अस्ट्रेलिया छन्।

होम एन्ड अवे आधारमा खेलेपछि समूहको शीर्ष दुई टोली विश्वकपको एसियाली छनोटअन्तर्गत तेस्रो चरणमा पुग्नेछन्। नेपालले तेस्रो खेल १० अक्टोबरमा अस्ट्रेलियासँग उसको मैदानमा खेल्ने छ। pic. NSJF