अभिनेत्री केकी अधिकारी चेढेको जीप दुर्घटनामा परेको छ । काठमाडौंबाट रौतहट छायाँकनको लागि हिडेको बा २० च ५४१० नम्बरको स्कोर्पियो आज बिहान ४ बजे कटहरिया १ स्थित बाटोबाट करिब ६ फिट तल खसेको हो ।
केकी सामाजिक गीतको छायाँकनको लागि आफ्नो टिमसँग रौतहट हिडेका थिए । गाडीमा नेपाली फिल्म निर्देशका पुर्नेन्दु झा, नायिका केकी अधिकारी, नेपाली मोडेल रचना शिवाकोटी, फिल्म छायाँकार आलोक सुक्ला, कलाकार विजय यादव निर्बिज र चालक सुजन पोखरेल थिए ।
तीव्र गतिमा गुडिरहेको उक्त दुर्घटनाको गाडीमा सवार सबै जना समान्य घाइते भएका छन । कटहरियामा उनीहरुलाई सामान्य उपचार गराएर रेस्टमा राखिएको छ । दुर्घटनामा परेर गाडीमा ठुलो क्षति भएपनि छायाँकनको लागि लगिएको क्यामरा लगायतका उपकरणहरु सुरक्षित रहेको जनाइएको छ ।
उनीहरु सामाजिक सचेतना जगाउने गीत ‘घुङटामे कबले तु रहबु अधिकार अपन माङ हे बहुरिया’ लगायत ४ वटा बजिक्का भाषाका सचेतना गितको छायाँकनका लागि त्यहाँ पुगेका हुन् । गीतको छायाँकन भोलिदेखि ४ दिनसम्म कटहरिया, मौलापुर, फतुवा बिजयपुर लगायतका नगरक्षेत्रका विभिन्न स्थानमा हुने जनाइएको छ ।
गीतको मुख्य उद्देश्य बालबिवाह, दाइजो प्रथा, छोरीलाई छोरासरह पढाउने जस्ता चेतनका निर्माण गर्नु हो । यस गीतमा प्रदेश २ का नेकपा अध्यक्ष तथा संघीय सांसद प्रभु साहको लगानी रहेको छ । –फाइल तस्विर
