Logo

हाँडीगाउँमा आजदेखि जात्रा सुरु (भिडियोसहित)



काठमाडौं, २७ असोज । आजबाट हाँडीगाउँमा जात्रा सुरु भएको छ । कोजाग्रत पूणिर्माको भोलिपल्ट आजदेखि सुरु भएको यो जात्रा ३ दिनसम्म चल्नेछ । लहरै तीनवटा रथ निकालेर सुरु गरिएको जात्रा काठमाडौंका अन्य जात्रा भन्दा फरक हुन्छ । रथको गजुर तलपारी र गर्भगृह र भगवानको मूर्तिमाथि राखेर रथको निर्माण गरिन्छ ।

भगवान राखिएको गर्भगृहलाई तलबाट बेस्सरी घुमाउने गरिन्छ । साथै रथमा मैनको सुगन्धित फूल बनाई राख्ने गरिन्छ । यसैले फरक र पृथक शैलीमा जात्रा मनाइने भएकोले कहिँ नभएको जात्रा हाँडी गाउमा भनिएको स्थानीय बताउछन् ।

जात्रामा निकालिएका तीन वटा रथलाई नगरपरिक्रमा गराउँदा स्थानीयले पूजा तथा स्वागत गर्ने चलन छ साथै रथ सजाउन प्रयोग भएको मैनको वास्नादार फूल रथको गजुर घुमाउदा खस्ने हुदा फूल टिप्नेको भीड हुने गर्दछ । यो फूललाई प्रसूति पीडामा रहेकी महिलालाई सुघाउदा पीडा कम हुने विश्वास गरिन्छ । तस्विर : मुकुन्द कालिकोटे/ रिपोर्टर्स नेपाल डटकम



प्रतिक्रिया दिनुहोस्