मोरङ, २९ असोज । प्रहरीले अवैध रुपमा रहेको विभिन्न किसिमका पटाका बरामद गरेको छ । सुनवर्सी नगरपालिका ८ मिलन चौकबाट करिब १३ हजार रुपैयाँ मूल्य बराबरका किङकोब्रा नामक पटाका २ सय प्याकेट, अल्फना फायर झिरझिरे १ सय २० प्याकेट, सानो फुल झरी १२ प्याकेट, रकेटबम १५ प्याकेट, कलर सेलिब्रेशन २ प्याकेट, फुलचक्र ८ प्याकेट र ग्यानोनबम २० प्याकेट २८ असोजको साँझ प्रहरीले बरामद गरेको हो ।
प्रहरी चौकी सिक्टीबाट खटिएको प्रहरीलाई देख्नासाथ भारतबाट नेपालतर्फ पैदल आउँदै गरेका अपरिचित व्यक्तिहरुले पटाका छाडी फरार भएपश्चात प्रहरीले बरामद गरेको जनाएको छ ।
फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको बताएको छ ।
