खोटाङ– खोटाङको साकेला गाउँपालिका–३ खिदिमामा वडाध्यक्ष चयनका लागि भएको निर्वाचनको मतगणना जारी छ।
मुख्य निर्वाचन अधिकृतको कार्यालयले केहीबेर अघि सार्वजनिक गरेको मत गणनाअनुसार ४ सय मत गणना सकिँदा कांग्रेस ९ मतले अघि देखिएको छ। हालसम्म नेकपाका शिवकला राईले १९१ मत, कांग्रेसका शुक्र तामाङले २०० मत र समाजवादी पार्टीका रमेश राईले ८ मत पाएका छन्।
राप्रपाकातर्फबाट इन्द्रबहादुर खड्काको शुन्य मत छ। अहिले साकेला गाउँपालिका–५ मात्तिम मानेभञ्ज्याङस्थित मुख्य निर्वाचन अधिकृतको कार्यालयमा मत गणना जारी रहेको मुख्या निर्वाचन अधिकृतको कार्यालय प्रमुख एव जिल्ला न्यायधिस मातृकाप्रसाद आचार्यले बताए।
