१९ मङ्सिर : सङ्खुवासभाको चिचिला गाउँपालिकाका सबै विद्यालयमा बालविकास सहजकर्ता नियुक्त गरिएको छ । पहिलो चरणमा १७ विद्यालयमा बालविकास सहजकर्ता नियुक्त गरिएको थियो भने यसपटक बाँकी चार विद्यालयमा बाल विकास सहजकर्ता थप गरिएको चिचिला गाउँपालिकाका अध्यक्ष पासाङनुर्बु शेर्पाले जानकारी दिए ।
गाउँपालिका अध्यक्ष शेर्पाका अनुसार चिचिला–१ लोक्तामको जनता आधारभूत विद्यालय, जीवनज्योति आधारभूत विद्यालय, चिचिला–३ त्रिवेणी आधारभूत विद्यालय र चिचिला–३ फाकदामको विकास आधारभूत विद्यालयमा बाल विकास सहजकर्ता नियुक्त गरिएको हो ।
चिचिला गाउँपालिकामा २१ विद्यालय छन् । सत्र विद्यालयमा गत वर्ष नै बाल विकास सहजकर्ता नियुक्त गरिएको थियो ।रासस
