राजविराज, १४ पुस : शीतलहर पीडित सप्तरी मलेठका शहीद परिवार र ज्येष्ठ नागरिकलाई कम्बल वितरण गरिएको छ । जुनतारा बचत तथा ऋण सहकारी संस्था लिमिटेडले मलेठका २५ ज्येष्ठ नागरिक तथा शहीद परिवारलाई कम्बल वितरण गरेको हो ।
चिसोका कारण जनजीवन कष्टकर भएपछि जाडो छल्नका लागि ज्येष्ठ नागरिक र शहीद परिवारलाई कम्बल प्रदान गरिएको संस्थाका अध्यक्ष भीमराज यादवले जानकारी दिए ।
यसैगरी केही दिन तराईमा बढेको चिसोका कारण यहाँको जनजीवन प्रभावित भएको छ । चिसोका कारण जनजीवन प्रभावितमात्र नभई अहिले वृद्धावृद्धा तथा बालबालिकालाई झनै प्रभाव परेको छ । खासगरी बिहान र साँझपख बढी चिसो लाग्ने भएकाले यसबाट बच्नका लागि स्थानीय प्रशासनले राजविराजको विभिन्न ठाउँठाउँमा दाउरासमेत बालेको छ ।
