काठमाडौं, ५ फागनु । पूर्व सभामुख कृष्णबहादुर महराले काठमाडौं जिल्ला अदालतबाट बलात्कार प्रयासको मुद्दामा सफाइ पाएका छन् । तर, सफाई पाएपछि पूर्व सभामुख महरा सञ्चारकर्मीलाई कुनै प्रतिक्रिया नदिई अदालतबाट सिधै डिल्लीबजार कारागारतर्फ प्रस्थान् गरेका छन् ।
हाम्रा सहकर्मी ईश्वर कार्कीका अनुसार सफाई पाएका महरा सञ्चारकर्मीहरुसँग नबोलिकन सिधै कारागारतर्फ लागेका हुन् । जबरजस्तीकरणी उद्योगको मुद्दामा काठमाडौं जिल्ला अदालतले महरालाई सोमवार सफाइ दिएको हो ।
महराले न्यायाधीश अम्बरराज पौडेलको इजलासले निर्दोष ठहर गरेको थियो । यो फैसलासँगै महरा आजै रिहाई हुने भएका छन् । अहिले डिल्लीबजार कारागारको मूल गेटबाहिर ठूलो मात्रामा महराका समर्थकहरुको भीड लागेको छ । file photo
