काठमाडौं, ७ फागुन । इङ्लिस प्रिमियर लिग फुटबलमा म्यान्चेष्टर युनाइटेड विजयी भएको छ । गएराति स्टामफोर्ड ब्रिजमा घरेलु टोली चेल्सीलाई २–० गोल अन्तरले हराउँदै म्यान्चेस्टर विजयी भएको हो ।
म्यान्चेस्टरको जितमा एन्थोनी मार्टियल र ह्यारी मागुईरीले गोल गरे । शीर्ष चारको दौडमा महत्वपूर्ण मानिएको खेलमा म्यान्चेस्टरले चेल्सीलाई हराउन सफल भएको छ ।
म्यान्चेस्टरले चौथो स्थानको चेल्सीसँगको दुरी तीन अंकमा झारेको छ । चौथो स्थानको चेल्सीको ४१ अंक छ । म्यान्चेस्टर ३८ अंकसहित सातौं स्थानमा छ । एजेन्सी
