चैत १६, एजेन्सी । तिब्र गतिमा संक्रमण भइरहेको कोरोना भाइरसले स्पेनकी राजकुमारी मारिया टेरेसाको ज्यान लिएको छ ।
कोरोना अर्थात कोभिड–१९ संक्रमणबाट ८६ वर्षीया राजकुमारी टेरेसाको शुक्रबार निधन भएको अन्तर्राष्ट्रिय सञ्चार माध्यमले जनाएका छन्।
राजकुमारी टेरेसाको निधनको पुष्टि उनका भाइ राजकुमार सिक्स्टस हेनरीले गरेको खबर द सनले लेखेको छ।
टेरेसा स्पेनको बोउरबोन-पर्मा राजकीय परिवारकी सदस्य हुन् । युवराज्ञीका कुनै सन्तान छैनन् । उनी भतिजाभतिजीको आश्रयमा रहँदै आएकी थिइन् ।
कोरोना भाइरस संक्रमणका कारण राजपरिवारबाट ज्यान गुमाउने उनी पहिलो व्यक्ति हुन्। पछिल्ला दिनमा स्पेनमा यो भाइरसले भयावह अवस्था सृजना गरेको छ ।
कोरोनाको कारण स्पेनमा ज्यान गुमाउनेको संख्या ५ हजार ८१२ पुगेको छ।
स्पेनमा गत ७२ हजार २४८ संक्रमित भइसकेका छन्। सबैभन्दा धेरै इटलिमा १० हजारभन्दा बढिले ज्यान गुमाएका छन् ।
