स्पेन, २२ असार । स्पानिस ला लिगामा बार्सिलोनाले भिल्ला रियालमाथि ४–१ को फराकिलो जित निकालेको छ । यो जितसँगै बार्साले शिर्ष स्थानको रियालसँगको दुरी फेरी ४ अंकमा झारेको छ । भियारियालको मैदानमा भएको खेलमा बार्सिलोनाका लागि लुइस सुवारेज, एन्टोइन ग्रिजमन र अंन्सु फाटीले एक एक गोल गरे ।
खेलको तेस्रो मिनेटमा भियारियालका टोरेसले आत्मघाती गोल गरेपछि बार्सिलोनालाई अग्रता लिएको थियो । यो जितपछि बार्सिलोनाले ३४ खेलमा ७३ अंक बनाएको छ । रियालको समान खेलबाट ७७ अंक छ ।
गएरातिको खेलमा रियाल म्याड्रिडले एथ्लेटिक बिल्वाओलाई १–० ले पराजित गर्यो । रियालका लागि सर्जियो रामोसले पेनाल्टीमार्फत निर्णायक गोल गरे । कोरोना महामारीपछि सुचारु भएको ला लिगामा रियलको यो लगातार सातौ जित हो । ला लिगामा चार चरणको खेल बाँकी रहँदा रियालले तीन खेलमा जित हात पारे उपाधि जित्नेछ । एजेन्सी
