काठमाडौं, २२ असार । काठमाडौं महानगरपालिकाले विभिन्न ६ वटा ‘ए’ डिभिजन फुटबल क्लबलाई जनही १० लाख रुपैयाँ अनुदान प्रदान गरेको छ । आज राष्ट्रिय सभागृहमा आयोजित एक कार्यक्रमका बीच महानगरले उक्त रकम प्रदान गरेको हो । महानगरका मेयर विद्यासुन्दर शाक्य र उपमेयर हरिप्रभा खड्गीले ६ वटा क्लबका अध्यक्षहरुलाई अनुदान रकमको चेक हस्तान्तरण गरेका हुन् ।
महानगरबाट यसरी अनुदान पाउनेमा मच्छिन्द्र क्लब, संकटा क्लब, एनआरटी, मनाङ मर्स्याङदी, हिमालयन शेर्पा र सरस्वती युथ क्लब रहेका छन् । उक्त कार्यक्रममा अखिल नेपाल फुटबल संघ (एन्फा)का अध्यक्ष कर्मा छिरिङ शेर्पा लगायतका अधिकारीहरुको सहभागिता रहेको थियो ।
तस्विर : मुकुन्द कालिकोटे, रिपोर्टर्स नेपाल डटकम
