एजेन्सी, २४ असार । अमेरिकाको मेरील्याण्डस्थित वायोटेक कम्पनी नोभाभ्याक्सलाई कारोना विरुद्वको भ्याक्सिन निर्माण गर्न ठूलो आर्थिक सहयोग गरेको छ । नोभाभ्याक्सलाई अेमरिकाले १.६ अरब डलरको सहायता गरेको हो ।
कोरोना भ्याक्सिन निर्माण गर्ने यो सबैभन्दा ठूलो संघीय सम्झौता रहेको हो । कोरानो विरुद्व भ्याक्सिनको निर्माण गर्न नोभाभ्याक्स चौथो कम्पनीको रुपमा आफ्नो अग्रसरता देखाइरहेको छ । त्यसैगरी मे महिनामा एस्ट्राजेनेकालाई १.२ अरब डलरको सहयोग प्राप्त भएको छ ।
मोर्डना र जनसन एण्ड जनसनले तेस्रो चरणका लागी समेत सहयोग प्राप्त गरेको जनाइएको छ । नोभाभ्याक्सले आफ्नो क्लीनीकल परिक्षणको डाटालाई महिनाको अन्त्यसम्म सार्वजनिक गर्ने जनाइएको छ भने यसको तेस्रो चरण्को परिक्षण सन् २०२० को तेस्रो त्रैमासिकमा प्रारम्भ गर्ने कम्पनीले जनाएको छ । १.६ अरब डलरको सहायताले फेब्रुअरी सम्ममा १० करोड डोज निर्माण गर्ने प्रतिबद्वता कम्पनीले लिएको छ ।
