Logo

सरकारसँग नगरपालिका फोरमको माग : भदौ १५ सम्म सार्वजनिक यातायात सञ्चालनमा रोक



साउन २६, काठमाण्डौ । उपत्यकाका नगरपालिकाहरुले भदौ १५ सम्म सार्वजनिक यातायात सञ्चालनमा रोक लगाउन सरकारसँग माग गरेको छ । उपत्यका नगरपालिका फोरमले सोमबार काठमाडौंमा पत्रकार सम्मेलन गर्दै कोरोना संक्रमण बढेको भन्दै सार्वजनिक यातायात सञ्चालनमा रोक लगाउन र अन्य सवारी साधानमा जोर विजोर प्रणाली लागू गर्न माग गरेको हो । फोरमले तीन हप्तासम्म अत्यावश्यक बाहेकका सेवा प्रवाह बन्द गर्न पनि माग गरेका छन् ।

संक्रमणको सम्भावनालाई न्यूनिकरण गर्न माक्स उपयुक्त र अनिवार्य भएको तथ्यलाई ध्यानमा राखी मास्क नलगाई आवत जावत गर्न तथा मास्कलाई उपयुक्त रुपमा प्रयोग नगर्नेहरुलाई कारवाही गर्न समन्वय गर्ने निर्णय पनि फोरमले गरेको छ । स्थानीय सरकारहरुले राजधानी प्रवेश नाकामा कडा गर्नुपर्न समेत सरकारलाई आग्रह गरेका छन् ।

पत्रकार सम्मेलनमा फोरमका अध्यक्ष एवं काठमाडौं महानगरका प्रमुख बिद्यासुन्दर शाक्यले उपत्यका कोरोना संक्रमितको संख्या बढ्दै गएको भन्दै बिशेय सुरक्षाका उपाय अपनाउनुपर्ने बताए । उपत्यका भित्र समूदाय स्तरमा संक्रमणको उच्च जोखिमलाई ध्यानमा राखि स्थानीय तहहरुबाट अत्यावश्यक सेवा बाहेक अन्य सेवा प्रवाहलाई ३ हप्ताको लागि बन्द गरिने उनले बताए।

फोरमले कलकारखाना, उद्योग धन्दाहरु, निर्वाध रुपमा सञ्चालन भइरहँदा सो क्षेत्रमा कार्यरत मजदुरहरुको दैनिक आवत जावत गर्दा संक्रमण जोखिम बढेको भन्दै उद्योग तथा कलकारखानाहरु भित्र क्वारेन्टाइनको व्यवस्था गराउनुपर्ने तथा स्वास्थ्य मापदण्ड पुरा गरेर मात्रै सञ्चालन गर्न दिने निर्णय पनि गरेको छ ।



प्रतिक्रिया दिनुहोस्

हल बुकिंग फाराम