Logo

काठमाडौंमा एकैदिन १३२ जना कोरोना संक्रमित थपिए



काठमाडौं, २७ साउन । काठमाडौं उपत्यकामा आज एकै दिन १३२ जना कोरोना संक्रमित थपिएका छन् । देशभर ६ सय ३८ जनामा कोरोना पुष्टि भएकोमा काठमाडौमा मात्रै १३२ जना थपिएसँगै जोखिम बढेको छ ।

त्यसैगरी आज २४ घन्टामा १७१ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या १६ हजार ६ सय ६४ रहेको स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले जानकारी दिएका हुन् ।

स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले १० हजार ४ सय ६२ जनाको पिसीआर परिक्षणमा ६ सय ३८ जनाको रिर्पोट पोजेटिभ आएको आएको गौतमले बताएका हुन् ।  काठमाडौं उपत्यकामा थपिएका  मध्ये काठमाडौंका ११० जना र ललितपुरका १४ जना र भक्तपुरका ८ जना रहेका छन् । देशभर कुल संक्रमितको सख्या २३ हजार ९ सय ४८ पुगेको छ ।



प्रतिक्रिया दिनुहोस्