काठमाडौं, २८ साउन । नेपालमा आज एकै दिन सर्वाधिक कोरोना भाइरसका संक्रमितको मृत्यु पुष्टि भएको छ । स्वास्थ्य तथा जनसंख्या मन्त्रालयले एकै दिन आठ जना संक्रमितको मृत्यु पुष्टि भएको जनाएको हो । योसँगै कोरोना संक्रमणबाट मृत्यु हुनेको संख्या ९१ पुगेको छ । देशमा महामारीको खतरा झन् बढेको छ ।
आज मृत्यु हुनेहरुमा ६ पुरुष र दुई महिला छन् । पुरुषहरु धादिङ, धनुषा, सप्तरी मोरङ, कपिलवस्तु र बाराका हुन् । महिलाहरु काठमाडौं र धनुषाका हुन् ।
आजसहित देशमा कोरोना संक्रमणबाट मृत्यु हुनेमध्ये ७१ पुरुष, १९ महिला र १ शिशु छन् । कुल मृतकमध्ये तीनजना विदेशी छन् । उनीहरुमध्ये दुईजना भारतीय र एकजना चिनियाँ नागरिक हुन् ।
