Logo

काँग्रेस महामन्त्री डा. कोइरालाको अस्पतालबाट सन्देशः दुई तीन दिनमा डिस्चार्ज हुन्छु (भिडियोसहित)



काठमाडौं, १ असोज । नेपाली काँग्रेसका महामन्त्री डा. शशांक कोइरालाले अस्पतालबाट भिडियो सन्देश दिदै आफू दुइ तीन दिनमा डिस्चार्ज हुने बताएका छन् । कोरोना भाइरसको संक्रमित भई ज्वरो बढेपछि ओम अस्पतालमा भर्ना भएका कोइरालाले आफ्नो चिन्ता लिनुपर्ने अवस्था नरहेको समेत स्पष्ट पारेका छन् ।

‘मेरो चिन्ता लिनुपर्दैन,’ डा. कोइरालाले अस्पतालबाट भिडियो सन्देशमा भने, ‘म दुई तीन दिन अझै बसेर डिस्चार्ज हुन्छु ।’ उनले आफू कोभिड १९ को संक्रमित भएको र ओम नर्सिङ होममा उपचाररत रहेको समेत उल्लेख गरेका छन् ।

कोइराला कोरोना संक्रमित भई होम आइशोलेशनमा रहेकोमा ज्वरो बढेपछि ओम अस्पताल भर्ना भएका थिए । त्यहाँ उनलाई आइसियुमा उपचार गरिएको थियो ।



प्रतिक्रिया दिनुहोस्