काठमाडौं, ६ असोज । काठमाडौं उपत्यकामा आज एकै दिन ६ सय ४७ जना कोरोना संक्रमित थपिएका छन् । देशभर १३ सय ५६ जनामा कोरोना पुष्टि भएकोमा काठमाडौमा मात्रै ६ सय ४७ जना थपिएसँगै जोखिम बढेको छ ।
स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले पिसीआर परिक्षणमा १३ सय ५६ जनाको रिर्पोट पोजेटिभ आएको जानकारी दिएका हुन् ।
त्यसैगरी आज २४ घन्टामा ८२३ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या ४८ हजार ६१ रहेको छ । काठमाडौं उपत्यकामा थपिएका मध्ये काठमाडौंका ५११ जना र ललितपुरका ७३ जना र भक्तपुरका ६३ जना रहेका छन् । देशभर कुल संक्रमितको सख्या ६६ हजार ६ सय ३२ पुगेको छ ।
