रुसले निर्माण गरेको कोरोना भ्याक्सिन स्पुतनिक भी नोभेम्बर महिनादेखि प्रयोगमा आउने

एजेन्सी, २७ असोज । रुसले निर्माण गरेको कोरोना भाइरसविरुद्वको भ्याक्सिन स्पुतनिक भीलाई रुसी सरकारले नोभेम्बर महिना भित्र प्रयोगमा ल्याउने भएको छ । उक्त विषयको जानकारी रुसी डाइरेक्ट इनभेस्टमेन्ट फन्डको प्रमुखले दिएका हुन् ।

उनले भने,‘अगामी महिनाको सुरुवातमै रुसभित्र भ्याक्सिन प्रयोग गरिने छ । हामी भ्याक्सिनको उत्पादनमा जोड दिने छौँ ।’ यसैक्रममा उनले मध्य पूर्वी क्षेत्रमा समेत भ्याक्सिनलाई नोभेम्बरमा प्रयोग गर्ने जनाइएको छ ।

कोरोना भाइरस विरुद्वको भ्याक्सिन स्पुतनिक भी विश्व मै पहिलो भ्याक्सिनको रुपमा बजारमा आउने प्रतिबद्वता कम्पनीले लिएको छ । अगस्त ११ मा स्पुटनिक भीले पहिलो मान्यता प्राप्त गर्न सफल भएको थियो ।-Photo: Source: TASS