काठमाडौं, १ कात्तिक । काठमाडौं उपत्यकामा आज एकै दिन १७ सय ४६ जना कोरोना संक्रमित थपिएका छन् । देशभर ३१ सय ६७ जनामा कोरोना पुष्टि भएकोमा काठमाडौमा मात्रै १७ सय ४६ जना थपिएसँगै जोखिम बढेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले १५ हजार ४ सय ३८ जनाको पिसीआर परिक्षणमा ३१ सय ६७ जनाको रिर्पोट पोजेटिभ आएको जानकारी दिएका हुन् ।
त्यसैगरी आज २४ घन्टामा १८०० कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या ८९ हजार ८ सय ४० रहेको छ । काठमाडौं उपत्यकामा थपिएका मध्ये काठमाडौंका १४५१ जना र ललितपुरका १५२ जना र भक्तपुरका १४३ जना रहेका छन् । देशभर कुल संक्रमितको सख्या १ लाख २९ हजार ३ सय ४ पुगेको छ ।
