बैतडी, मंसिर १८ । पञ्चेश्वर गाउँपालिका–५ स्थित बलारामा रहेको प्रहरी चौकीमा झडप भएको छ । गणमेश्वर मन्दिरमा लागेको मेलामा महिलालाई जिस्काएको निहुँमा दुई समूहबीच झडप भएपछि छलफलका लागि प्रहरी चौकीमा बोलाएका बेला पुनः झडप भएको हो ।
बैतडीका प्रहरी प्रमुख प्रहरी नायब उपरीक्षक नारायणप्रसाद अधिकारीका अनुसार युवाको दुई समूहबीच प्रहरी चौकीमै झडप हुँदा पञ्चेश्वरका ३० वर्षीय लोकेन्द्र चन्द घाइते भएका छन् । घाइतेको बैतडीमा उपचार हुन नसक्दा धनगढीमा रहेका माया मेट्रो अस्पतालमा रेफर गरिएको प्रहरीले जनाएको आजको नेपाल समाचारपत्र दैनिकमा खवर छ ।
