काठमाडौं, १६ फागुन । गृहमन्त्री रामबहादुर थापा बादलले आफ्नै ‘विश्वासपात्र’ बीरु तामाङमाथि कारबाही गरेका छन् । उनले तामाङलाई स्वकीय अधिकृतबाट हटाएका छन् ।
३० माघबाट लागू हुनेगरी तामाङ हटाइएका हुन् । उनलाई माघ महिनाका तलब मात्र बुझ्न पाउने गरी हटाइएको पुष्टि गृहमन्त्रीका निकटस्थले पुष्टि गरेका छन् ।
बीरु तामाङमाथि प्रचण्डलाई सूचना चुहाएको आरोप छ । नेकपा विभाजनपछि बादल प्रधानमन्त्री केपी शर्मा ओली समूहमा छन् । तर, तामाङले प्रचण्डसँग सम्बन्ध कायमै राखेका थिए ।
बीरु तामाङ प्रहरी र सशस्त्र प्रहरीको सरुवा तथा बढुवामा भुमिका देखाउँदै आएका थिए । उनी प्रहरी र सशस्त्रको मुख्यालय र आइजीपीको निवासमा पुगिरहन्थे ।
