काठमाडौं, बैशाख २९ । रुसको एक विद्यालयमा मंगलबार भएको गोलाबारीमा ११ जनाको मृत्यु भएको छ । मुस्लिम समुदायको बाहुल्यता रहेको कजान शहरस्थित एक विद्यालयमा भएको गोलीकाण्डमा १६ जना बढी घाईते भएका छन् ।
मृत्यु हुनेमा विद्यार्थी र शिक्षकहरू रहेका छन् । गोली चलाउने एक १९ वर्षीय युवकलाइ प्रहरीले पक्राउ गरेको छ भने अर्का युवक प्रहरी कारबाहीमा मारिएका छन् ।रुसी सरकारका अनुसार दुई जना व्यक्ति विद्यालयमा प्रवेश गरेर गोली चलाएका थिए । विद्यार्थीहरू ज्यान जोगाउन झ्यालबाट हाम फाल्दै गरेको भिडियोहरु सामाजिक संजालहरुमा सार्वजनिक भैरहेका छन् ।
घाईतेहरुको विभिन अस्पतालमा उपचार भैरहेको छ भने घटनाको जिम्मा कुनै पनि समूह वा संगठनले लिएको छैन ।
