सर्लाही, ३१ बैशाख । मरेको निल गाई सहित एक जना पक्राउ परेका छन् ।
ईश्वरपुर नगरपालिका–४ सागरनाथस्थित जंगलबाट ३ थान भरुवा बन्दुक र १ बट्टा बन्दुकमा प्रयोग हुने बारुद सहित सोही ठाउँ ५२ वर्षीय रण बहादुर गोलेलाई बिहीबार दिउँसो प्रहरीले पक्राउ गरेको हो । सोही ठाउँस्थित सागरनाथ जंगलभित्र गोले सहित ५ जना व्यक्तिहरु सिकार गरिरहेको अवस्थामा प्रहरी चौकी फुलजोरबाट खटिएको गस्ती टोलीलाई देख्नासाथ भरुवा बन्दुकबाट फायरिङ गरेपश्चात प्रहरीले समेत जवाफी हवाई फायर गरी उनीहरुमध्ये रणबहादुरलाई उक्त हातहतियार र प्रदेश नम्बर -२-०२-०३२ प २५२२ र बीआर ३० यू ४६७७ नम्बरको मोटरसाइकल र मरेको निल गाई सहित पक्राउ गरेको जनाएको छ ।
हाल फरार रहेका अन्य ४ जनाको प्रहरीले खोजी गरिरहेको छ । निलगाईलाई सागरनाथ वन परियोजना कार्यालयलाई बुझाएको बताएको छ ।
