बुटवल, १७ जेठ । नेपाल विद्यार्थी संघका नेताले सरकारको सांकेतीक विरोध गरेका छन् । उनीहरुले आज बुटवलको तामनगरमा राष्ट्रपति र प्रधानमन्त्रीको तस्बिरलाई बयलगाढामा चढाई विरोध प्रदर्शन गरेका हुन् । प्रधानमन्त्री केपी शर्मा ओलीले नेपालमा गणतन्त्र आउनु बयलगाढा चढेर अमेरिका गए जस्तै हो भनी दिएको टिप्पणीलाई व्यंग्यात्मक रुपमा प्रस्तुत गरिएको नेविसंघका नेता सुदिप शर्माले बताए ।
उनले संविधान विपरित काम गर्ने प्रधानमन्त्री र उनलाई साथ दिने राष्ट्रपतिले कोरोना महामारीका बीचमा समेत नागरिकको स्वास्थ्य भन्दा राजनितिक खिचातानीलाई प्राथमिकता दिई जनताको हित विपरित काम गरेको भन्दै नागरिकको मन जित्न नसक्ने सरकार नचाँहीने बताए ।
उनीहरुले प्रदर्शनसंगै प्रधानमन्त्रि र राष्ट्रपतिको राजिनामाको समेत माग गरेका थिए । प्रदर्शनमा शर्मासंगै सुन्दर आर्याल , दीपक घिमिरे मनिष श्रेष्ठ, सुजु घले, नारायण पोखरेल, अमृत भण्डारी, सुमन गुरुङ, लक्ष्मण न्यौपाने, सृजना गरी, सागर घिमिरे, सुरज श्रेष्ठ लगायत बिधार्थी नेता तथा सर्वसाधारणको समेत उपस्थिती रहेको थियो।
