काठमाडौं, २९ जेठ । नेपाली काँग्रेसको १४ औं महाधिवेशन भदौको १६ देखि १९ सम्म काठमाडौंमा हुने भएको छ । आज सभापति शेरबहादुर देउवाको बुढानिलकण्ठस्थित निवासमा बसेको पदाधिकारी र पूर्वपदाधिकारीको बैठकले महाधिवेशन केही दिन पछि सार्ने निर्णय गरेको हो ।
यसअघि काँग्रेस महाधिवेशन भदौ ७ देखि १० गतेसम्म गर्ने निर्णय भएको थियो । काँग्रेसको क्रियाशील सदस्यता वितरणको काम केही बाँकी रहेकाले सार्ने निर्णय भएको जनाइएको छ ।
सभापति देउवाले केही दिनअघि विज्ञप्ति जारी गरी महाधिवेशन भदौमा नै गर्ने प्रतिवद्धता व्यक्त गरेका थिए । देउवामाथि महाधिवेशन नगर्न बहानावाजी गरिरहेको आरोप लाग्दै आएको छ ।
