काठमाडौं, २० असार । नेपाली काँग्रेसका सभापति शेरबहादुर देउवाले बुढानिलकण्ठस्थित निवासमा २ वर्ष अगाडि विशेष पूजा लगाएका थिए । उनले हिन्दु धर्मसंस्कार अनुसार पूजा लगाउनुलाई अर्थपूर्ण मानिएको थियो ।
शनिबार साँझ देउवा पत्नी आरजु राणा देउवाले भिडियो फेसबुकमा सेयर गरिन् । संस्कृतिले नै यो विश्वमा को के हो भन्ने परिचय मिल्ने समेत लेखेकी छिन् ।
भिडियोमा पण्डितले मन्त्रोचारण गरेको र पूजापाठ भइरहेको देखिन्छ । भिडियोमा शेरबहादुर देउवा र आरजु देउवा दुवै देखिन्छन् ।
देशमा हिन्दुत्वको मुद्दाले राजनीतिमा प्रवेश पाइरहँदा आरजु देउवाले धमाधम धर्मकर्मको तस्बिर र भिडियो सामाजिक सञ्जालमा राख्न थालेकी छिन् ।
शनिबार नै नेकपा एमालेको केन्द्रीय कमिटी बैठकमा नेता महेश बस्नेतले धर्मनीरपेक्षबारे बहस गर्नुपर्ने प्रस्ताव अगाडि सारेका छन् । यसले राजनीतिकवृत्तमा तरङ्ग नै ल्याएको छ ।
