Logo

सम्बन्ध विच्छेदपछि आमिर र किरणको डान्स भाइरल (भिडिओसहित)



एजेन्सी, ३१ असार । बलिउड अभिनेता आमिर खानको धेरै पहिला पनि आफ्नी श्रीमती किरण रावबाट सम्बन्ध विच्छेदको घोषणा गरेको खबर बाहिर आएको थियो । हालसालै दुबैले आपसी सहमतिमा सम्बन्ध विच्छेदको घोषणा गरेका थिए।

यसैक्रममा आमिर खान र किरण रावको एक नयाँ भिडियो सामाजिक संजालमा एकदमै भाइरल भइरहेको छ, जसमा उनीहरू एकसाथ नाचिरहेका देखिन्छन्।

वास्तवमा, आमिर खानको फिल्म लालसिंह चड्ढाको शुटिंग लद्दाखमा चलिरहेको छ। हाल फिल्मको सेटसँग सम्बन्धित धेरै तस्विर र भिडियोहरू भाइरल भइरहेका छन् । आमिर खान र किरण रावको सम्बन्ध विच्छेदको घोषणा गरिसकेपछि यी दुईको नृत्य भएको भिडियो एकदमै भायरल भइरहेको छ। यो भिडियो फिल्म लाल सिंह चड्ढाको सेटबाट हो। भिडियोमा उनीहरु परम्परागत पोशाकमा नाचिरहेको देखिन्छ।

यो भिडियो आमिर खानको फ्यान क्लब आमिर खान अजÞरबैजानबाट इन्स्टाग्राम साझेदारी भएको छ। भिडियोमा आमिर खानले रेड ड्रेस र परम्परागत बैजनी रंगको क्याप लगाएको देखिन्छ। अर्कोतर्फ, किरण राव गाढा गुलाबी पोशाक र परम्परागत हरियो रंगको क्याप लगाएको देखिन्छ। भिडियोमा दुबैले परम्परागत नाचका साथ त्यहाँ उपस्थित दर्शकहरूको मन जितिरहेछन्। नृत्यको टिप्पणी र प्रशंसा गरिरहेका छन् ।

 



प्रतिक्रिया दिनुहोस्