काठमाडौं, १० साउन । नेपाल राष्ट्र बैंकले ठुलो संख्यामा कर्मचारी माग गरेको छ । बैंकले विभिन्न सेवामा ६ महिना करार अवधि कायम हुने गरी ६३ जना कर्मचारीको माग गरेको हो ।
बैंकमा ८ कक्षा पासदेखि एसएलसी वा सोसरह शैक्षिक योग्यता भएकाले पनि उक्त जागिरका लागि अनलाइनमार्फत् आवेदन दिन सक्ने बैंकले जनाएको छ ।
सुरक्षा सहायक १ जना र रक्षक ५ जना, सिपाही २७ जना र ३० जना कार्यालय सहयोगी बैंकले माग गरेको हो । आवेदन दिन इच्छुक आवेदकले साउन २४ गतेभित्रमा आवेदन दिइसक्नु पर्नेछ ।
